Слухачы УЗВ сачылі за падзеямі "на Парнасе"

Удзельнікі секцыі "Беларуская мова" з задавальненнем схадзілі ў драматычны тэатр на пастаноўку "Тарас на Парнасе".

Слухачы УЗВ убачылі, як гэтае жартоўнае апавяданне пра незвычайныя прыгоды палясоўшчыка змаглі паказаць артысты нашага гарадзенскага драматычнага тэатра.

Відовішча, у  якім спляліся грэчаскія багі і нацыянальная беларуская самабытнасць, гісторыя і рэальнасць, а многія рэчы з аповяду і да нашага часу застаюцца актуальнымі. 

Цікава тое, што некаторым наведвальнікам секцыі было незразумела, як такую невялічкую паэму можна расцягнуць па часе на 1,5 гадзіны. Што там можна паказаць? - пыталі яны. А пасля прагляду ўсё стала на свае месцы. Адзінае, шкадавалі, што на беларускамоўную пастаноўку гледачоў прыйшло не так шмат...