Прадстаўляем новыя прэзентацыі з канферэнцыі па актывізацыі сталых людзей

Новая партыя прэзентацый тычыцца практычнага досьведу працы са сталымі людзьмі ў Гродне, Мінску, Львове, Мар'ямпале.

Яшчэ адна прэзентацыя (Любоў Цыбаева, Брэст) тычыцца сацыяльна-псіхалагічных асаблівасцяў перажывання адзіноты ў сталым узросце.

Прадстаўнікі УЗВ запрошаныя на сустрэчу Еўрапейскай Федэрацыі сталых студэнтаў

Чарговая сустрэча гэтай арганізацыі, у склад якой уваходзяць арганізацыі з розных еўрапейскіх краін, адбудзецца 4-6 кастрычніка ва Ўроцлаве (Польшча).

Федэрацыя была створаная ў 1990 г. Яе мэтамі з'яўляюцца пашырэнне доступа сталых людзей да акадэмічнай адукацыі, развіццё супрацоўніцтва паміж арганізацыямі, якія працуюць у сферы адукацыі сталых.
Дэлегацыя УЗВ будзе мець магчымасць пазнаёміцца з дзейнасцю Федэрацыі, каб у будучым, магчыма, таксама ўступіць у яе шэрагі.

Стары і бездапаможны ці актыўны і ў росквіце сілаў?

У час панавання маладосці, прыгажосці і здароўя тэма сталага чалавека не актуальная і амаль не асвятляецца ў беларускіх СМІ. Зрэдку ў газетах ці на тэлебачанні мільгаюць вобразы абяздоленых, хворых на ўсе хваробы сталых людзей, ці злоcных бабулек, якія перамываюць усім косткі. Ці сапраўды старасць мае толькі негатыўны бок, ці гэта толькі навязаныя сучаснасцю стэрэатыпы?