Хутка пачнецца набор слухачоў УЗВ на 2012/2013 год

Прыём заяваў пачнецца з 3 верасня. Анкеты на ўдзел у праграме чацьвёртага акадэмічнага года будуць запаўняць як слухачы, якія жадаюць працягваць удзел у ёй, так і новыя кандыдаты.

Сёлетні адбор будзе складацца з двух этапаў. Спачатку ўсе ахвотныя браць удзел у занятках "Універсітэту Залатога Веку" запоўняць анкеты-заяўкі, а затым адбудзецца некалькі групавых суразмоваў-прэзентацый, па выніках якіх будзе сфармаваны спіс слухачоў УЗВ на 2012/2013 акадэмічны год.
У час прэзентацый будуць прадстаўленыя секцыі, якія будуць працаваць у межах УЗВ, прадстаўлена канцэпцыя працы Праграмы, а таксама ўмовы ўдзелу ў ёй. Расклад прэзентацый-суразмоваў з'явіцца ў пачатку верасня.
Дадатковую інфармацыю пра набор слухачоў на 2012/2013 акадэмічны год можна атрымаць па тэл. 75-71-72 (грамадскае аб'яднанне "Цэнтр "Трэці сектар"), а таксама (8-029) 284-77-99 (Лана Руднік, кіраўнік Праграмы УЗВ).

Прадстаўнікі УЗВ запрошаныя на сустрэчу Еўрапейскай Федэрацыі сталых студэнтаў

Чарговая сустрэча гэтай арганізацыі, у склад якой уваходзяць арганізацыі з розных еўрапейскіх краін, адбудзецца 4-6 кастрычніка ва Ўроцлаве (Польшча).

Федэрацыя была створаная ў 1990 г. Яе мэтамі з'яўляюцца пашырэнне доступа сталых людзей да акадэмічнай адукацыі, развіццё супрацоўніцтва паміж арганізацыямі, якія працуюць у сферы адукацыі сталых.
Дэлегацыя УЗВ будзе мець магчымасць пазнаёміцца з дзейнасцю Федэрацыі, каб у будучым, магчыма, таксама ўступіць у яе шэрагі.

Слухачы УЗВ не марнуюць час на канікулах

Тры слухачкі нашага "Універсітэту Залатога Веку" здзейснілі захапляльнае аўтападарожжа па маляўнічых кутках Гарадзеншчыны. Чытайце першую частку падарожнага дзённіка Ларысы Гірас на сайце "Твой стыль".

Слухачка УЗВ Любоў Зорына прэзентавала ўнікальны мастацкі каталог

Зберагчы тое, што нам дасталося ад продкаў – гэтая думка была галоўным лейтматывам прэзентацыі ўнікальнага выдання, якое падрыхтавала гарадзенка Любоў Зорына.

Амаль 30 год яна рупліва даследавала гісторыю мастацкага метала ў Гродна, шукала забытыя сёння імёны вядомых у мінулым гарадзенскіх кавалёў, фіксавала на фотаапарат арыгінальныя металічныя абгародкі на могілках, балконы, каваныя брамы, парапеты.

З’явіліся фільмы пра сёлетні выпуск слухачоў УЗВ

Уручэнне пасведчанняў пра сканчэнне акадэмічнага 2011/2012 гг., словы падзякі выкладчыкам, прэзентацыя вынікаў працы секцый УЗВ - усё гэта ў стужцы, якая апавядае пра найбольш яркія моманты выпускной вечарыны, якая адбылася 27 красавіка.

Вось такія мы, выпускнікі УЗВ-2012!

Фота Юліі Каляды

“Расстаемся, сябры, застаецца ў сэрцы радасць”

Перад пачаткам летніх канікул слухачы “Універсітэту Залатога Веку” зладзілі традыцыйны інтэграцыйны выезд на прыроду. Калі ў папярэднія два гады вандроўка адбывалася ў ваколіцы Аўгустоўскага каналу, то сёлета шлях ляжаў на Мастоўшчыну.

"Возьмем песню з сабой - "Залаты век" уславім свой!"

Слухачы "Універсітэту Залатога Веку" урачыста адзначылі 27 красавіка сканчэнне акадэмічнага 2011/2012 г.

Запрашаем на урачыстую выпускную вечарыну УЗВ!

Прэзентацыя вынікаў працы секцыі, пасведчанні пра сканчэнне чарговага акадэмічнага года, культурная праграма - гэта толькі частка таго, што чакае ўдзельнікаў урачыстай імпрэзы, якая адбудзецца 27 красавіка.

Адбылося падсумаванне вынікаў працы УЗВ у 2011-2012 гг.

Удзельнікі падсумаваўчага агульнага занятку, які адбыўся 19 красавіка, пісалі ў анкетах у тым ліку і пра адметнасць УЗВ.
Вось толькі некалькі меркаванняў: