“Універсітэт Залатога Веку”: пачынаем пяты сезон!

Сёлетні, ужо пяты па ліку, акадэмічны год у межах “Універсітэту Залатога Веку” абяцае быць яшчэ больш насычаным і тэматычна разнастайным.

За першыя тры дні суразмоваў заявы ва УЗВ падало больш за 60 чалавек

Найбольш ахвотна кандыдаты на ўдзел у гэтым акадэмічным годзе запісваюцца на кампутарныя курсы, йогу, ангельскую мову, псіхалагічнае здароўе.

Прыём заяваў сёлета доўжыцца да 15 верасня. Апошняя прэзентацыя-суразмова, па выніках якой будзе прымацца рашэнне пра адбор слухачоў "Універсітэту Залатога Веку", адбудзецца ў панядзелак, 17 верасня.
Вынікі адбору будуць вядомыя 25 верасня, а заняткі УЗВ пачнуцца 11 кастрычніка.