Стары і бездапаможны ці актыўны і ў росквіце сілаў?

У час панавання маладосці, прыгажосці і здароўя тэма сталага чалавека не актуальная і амаль не асвятляецца ў беларускіх СМІ. Зрэдку ў газетах ці на тэлебачанні мільгаюць вобразы абяздоленых, хворых на ўсе хваробы сталых людзей, ці злоcных бабулек, якія перамываюць усім косткі. Ці сапраўды старасць мае толькі негатыўны бок, ці гэта толькі навязаныя сучаснасцю стэрэатыпы?

Разабрацца ў гэтым пытанні паспрабавалі ўдзельнікі міжнароднай навукова-практычнай канферэнцыі “Сацыяльны ўдзел і адказнасць сталых людзей”, якая праходзіла ў Мінску 17-18 студзеня. Яе арганізатарамі з'яўляліся міжнароднае грамадскае аб'яднанне "Узаемапаразуменне" і Нямецкі фонд "Памяць. Адказнасць. Будучыня" (EVZ).

Вобразу сталага чалавека і ўплыву СМІ на фарміраванне гэтага вобразу быў прысвечаны адзін день канферэнцыі.

На канферэнцыі былі прадстаўлены вынікі праекту грамадскага аб'яднання “Радзіслава”. На працягу дзвюх гадоў, дзякуючы праекту, было прааналізавана больш за 140 тысяч матэрыялаў беларускіх друкаваных і інтэрнэт СМІ. Па выніках даследавання аказалася, што толькі 2,4 % артыкулаў былі прысвечаны пажылым людзям, амаль 70% з іх – сталым людзям-знакамітасцям. Гаворыць Вольга Гарбунова, старшыня праўлення ГА "Радзіслава”:

 

Вольга Гарбунова пра вобраз сталага чалавека ў беларускіх СМІ by UZV-Hrodna

- Магчыма, вы таксама даследавалі, чаго самі сталыя людзі чакаюць ад СМІ? 

- Мы праводзілі апытанне сярод сталых людзей. Амаль 100 % выказалі сваё крытычнае стаўленне да сучасных СМІ. 

Яны часта кажуць, што,асабліва на тэлебачанні, занадта многа маладосці і прыгажосці, скардзяцца, што сярод вядучых няма людзей у гадах, толькі маладыя, але не з такім багатым жыццёвым вопытам. Скардзяцца і на гвалт, на папсу, якія транслююцца штодзённа. Так, грамадства стала больш свабодным, але сталым людзям цяжка гэта прыняць, яны хочуць захаваць нейкае свае ўяўленне аб культурным кампаненце, але сучасныя СМІ ім гэтага даць не могуць. Гэта ўсё стэрэатыпы, што ў старасці людзям патрэбны праграмы толькі пра агароды і кветачкі. Яны таксама чакаюць якасных праграм. І для сталых людзей гэта асабліва актуальна, каб яны не заставаліся ў сацыяльнай ізаляцыі. Сення на канферэнцыі мы спрабавалі данесці гэта да журналістаў. Магчыма, сумеснымі намаганнямі, калі грамадскія аб’яднанні будуць давать інфармацыйныя нагоды, а СМІ пойдуць насустрач, гэта зрушыць з мертвай кропкі.

View more presentations from Third Sector.

-Як адысці ад стэрэатыпаў у СМІ у дачыненні да сталых людзей? Адказвае Эльке Браўн, кіраўніца праграм фонду “Память, ответственность и будущее”:

Эльке Браўн пра сталых людзей by UZV-Hrodna

Канферэнцыя была арганізавана ў межах праграмы “Место встречи – диалог” пры падтрымцы нямецкага фонду “Память, ответственность и будущее”. Дзякуючы падтрымцы фонду ў Беларусі дзейнічаюць дзесяткі праектаў па працы са сталымі людзьмі. З канца 2011 г. падтрымкай з боку гэтай праграмы карыстаецца і "Універсітэт Залатога Веку", заснаваны ў Гродне сябрамі грамадскага аб'яднання "Цэнтр "Трэці сектар".